QR Qarjy ministriniń buiryǵymen memlekettik satyp alýdy júzege asyrý ózgerister men tolyqtyrýlar engiziledi, dep habarlaidy "Ult aqparat".
Sonymen jańa túzetýlerge sáikes, eger áleýetti ónim berýshiniń bas merdiger (jobalaýshy) retinde jumys tájiribesi bolǵan jaǵdaida, konkýrstyq komissiia satyp alynatyn jumystar naryǵynda áleýetti ónim berýshiniń tájiribesi bolýynyń árbir jyly úshin, onyń ishinde konkýrs máni bolyp tabylatyn jumystardyń osyndai (uqsas) túrleri boiynsha bir paiyz (1 %) mólsherinde shartty jeńildik beredi.
Eger áleýetti ónim berýshiniń qosalqy merdiger (qosalqy jobalaýshy) retinde jumys tájiribesi bolǵan jaǵdaida, konkýrstyq komissiia satyp alynatyn jumystar naryǵynda áleýetti ónim berýshiniń tájiribesi bolýynyń árbir jyly úshin, onyń ishinde konkýrs nysanasy bolyp tabylatyn jumystardyń osyndai (uqsas) túrleri boiynsha nól bútin onnan bes paiyz (0,5 %) mólsherinde shartty jeńildik usynylady.
Eger bir jyldyń ishinde áleýetti ónim berýshi konkýrsta satyp alynatyn, onyń ishinde bireýden artyq qurylys obektisinde osyndai (uqsas) jumys túrleri boiynsha jumystardy oryndaǵan jaǵdaida, konkýrstyq komissiia kelesi árbir qurylys obektisi úshin nól bútin onnan eki paiyz (0,2 %) mólsherinde shartty jeńildik beredi. Eger bul jumystardy áleýetti ónim berýshi qosalqy merdiger (qosalqy jobalaýshy) retinde oryndasa, konkýrstyq komissiia kelesi árbir qurylys obektisi úshin nól bútin onnan bir paiyz (0,1 %) mólsherinde shartty jeńildik bolady.
