Memlekettik rámizder men vedomstvolyq jáne olarǵa teńestirilgen ózge de nagradalar geraldikasy máseleleri jónindegi respýblikalyq komissiianyń otyrysy ótti, dep habarlaidy Aqordanyń baspasóz qyzmeti.
Qazaqstan Respýblikasynyń Memlekettik hatshysy Qyrymbek Kósherbaevtyń tóraǵalyǵymen Memlekettik rámizder men vedomstvolyq jáne olarǵa teńestirilgen ózge de nagradalar geraldikasy máseleleri jónindegi respýblikalyq komissiiasynyń osy jylǵy qorytyndy otyrysy ótti.
Jiynda Qyrymbek Kósherbaev keler jyly Memlekettik rámizderdiń qabyldanǵanyna 30 jyl tolatynyna, aitýly datany respýblikalyq deńgeide merekeleýdiń mańyzdylyǵyna toqtalyp, tiisti is-sharalar josparyn daiyndaýdy tapsyrdy.
Komissiia tóraǵasy Memlekettik rámizder kúnin merekeleýdiń basty maqsaty – qazaqstandyq patriotizmdi nasihattaý, jas urpaqty táýelsizdik nyshandaryna qurmetpen qaraýǵa tárbieleý ekenin atap ótti.
Otyrysta Mádeniet jáne sport ministri Aqtoty Raiymqulovanyń Geraldikalyq zertteýler ortalyǵynyń qyzmeti jáne memlekettik organdardyń vedomstvolyq nagradalaryn ońtailandyrý jaiynda baiandama jasady.
Sondai-aq Qarjy ministri Erulan Jamaýbaev, Aqparat jáne qoǵamdyq damý ministri Aida Balaeva, Soltústik Qazaqstan oblysynyń ákimi Qumar Aqsaqalov jáne Mańǵystaý oblysynyń ákimi Nurlan Noǵaev memlekettik rámizderdi nasihattaý jáne paidalaný boiynsha júrgizilip jatqan jumystar týraly esep berdi. Vedomstvolyq nagradalarǵa bailanysty usynystaryn Bilim jáne ǵylym ministri Ashat Aimaǵambetov, Saýda jáne integratsiia ministri Baqyt Sultanov, Tótenshe jaǵdailar ministriniń mindetin atqarýshy Ibragim Kúlshimbaev, Qarjylyq monitoring agenttigi tóraǵasynyń mindetin atqarýshy Jeńis Elemesov.
Sonymen qatar, Geraldikalyq zertteýler ortalyǵynyń direktory Álibek Asqarov «Qazaq geraldikasy» atty kitap-albomnyń tusaýkeserin ótkizdi.
Otyrys qorytyndysy boiynsha Memlekettik hatshy vedomstvolyq nagradalardy ońtailandyrý jónindegi jumysty jalǵastyrýdy, memlekettik rámizderdi tanymal etýde jáne jastarǵa patriottyq tárbie berýde qoǵamdyq uiymdardyń áleýetin keńinen paidalanýdy tapsyrdy.
