Almatyda ózin qoǵamdyq belsendi retinde tanystyryp, kásipkerlerden júieli túrde aqsha talap etken er adam ustaldy, dep habarlaidy ult.kz.
Polisia.kz málimetinshe, kúdikti kásipkerlikpen ainalysatyn azamattarǵa qysym kórsetip, memlekettik organdarǵa shaǵym túsirip, olardyń jumysyna kedergi keltirýi múmkin ekenin aitqan. Osylaisha aqsha talap etken.
Atalǵan fakti boiynsha Almaty qalasy Áýezov aýdanynyń politsiiasy sotqa deiingi tergeý júrgizip jatyr. Kúdikti ustalyp, Almaty qalasy PD ýaqytsha ustaý izoliatoryna qamaldy.
Politsiia osyǵan uqsas jaǵdaiǵa tap bolǵan birneshe azamatty anyqtaǵan. Qazir tergeý barysynda oqiǵanyń barlyq mán-jaiy anyqtalyp, qajetti dálelder jinalyp jatyr.
Politsiia mundai faktiler týraly biletin azamattardy quqyq qorǵaý organdaryna habarlasýǵa shaqyrdy.
