Jaqynda memlekettik organ ǵimarattarynda memlekettik qyzmetshilerge smartfon paidalanýǵa ruqsat berilýi múmkin. Bul týraly QR Tsifrlyq damý, innovatsiialar jáne aeroǵarysh ónerkásibi vitse-ministri Abylaihan Ospanov aitty, dep habarlaidy "Ult aqparat".
«Mendegi aqparat boiynsha atalǵan qaýly Úkimetke engizilgen, jaqyn arada ol jaiynda jariialanatyn bolady. Barlyq ókiletti organdarda kelisýden ótti, osydan keiin ol Úkimet otyrysynyń qaraýyna shyǵarylady. Biylǵy qarasha aiynda tiisti sheshim bolady dep úmittenemiz. Bul turǵyda smartfondardy eshbir shekteýsiz barlyq memlekettik qyzmetshilerge qaitarý máselesi eskerilgen», - dedi vitse-ministr Senatta tilshiler saýalyna jaýap bere otyryp.
Onyń atap ótýinshe, kez kelgen memlekettik qyzmetshide óz qyzmet ornynda alǵan aqparatqa qatysty jaýapkershiligi bar.
«Aqparatty negizsiz taratqany úshin qyzmetshi zańnamaǵa sáikes jaýapty bolady», - dedi A. Ospanov.
