Elimizdiń Táýelsizdik kúni qarsańynda Qazaqstan Respýblikasy Prezidentiniń Jarlyǵymen eldiń áleýmettik-ekonomikalyq jáne mádeni damýyna, halyqtar arasyndaǵy dostyq pen yntymaqtastyqty nyǵaitýǵa qosqan eleýli úlesi jáne belsendi qoǵamdyq qyzmeti úshin azamattardyń úlken bir toby memlekettik nagradalarmen marapattaldy. Olardyń qatarynda óndiris, biznes, bilim berý, densaýlyq saqtaý salalarynyń kórnekti ókilderi, áskeri qyzmetshiler, quqyq qorǵaý organdarynyń qyzmetkerleri, sportshylar, soǵys jáne eńbek ardagerleri, mádeniet jáne ǵylym qairatkerleri bar. Bul týraly "Egemen Qazaqstan" basylymy jazdy.
«Qazaqstannyń Eńbek Eri» ataǵy Qazaqstan Respýblikasyn ekonomikalyq, áleýmettik-gýmanitarlyq damytýdaǵy asa úzdik jetistikteri úshin «Ulttyq neirohirýrgiia ortalyǵy» AQ basqarma tóraǵasy S.Q.Aqsholaqovqa jáne Qostanai oblysynyń «TPK «Qarasý» JShS bas direktory A.J.Tursynovqa berildi.
«Otan» ordenimen Astana qalasy «Stroikonstrýktsiia» AQ prezidenti V.D.Býller, I dárejeli «Barys» ordenimen – Prezident Ákimshiliginiń Basshysy Á.R.Jaqsybekov jáne Joǵarǵy sottyń Tóraǵasy Q.Á.Mámi, II dárejeli «Barys» ordenimen – «Ulttyq shtattyq komandalar jáne sport rezervi direktsiiasy» RMQK nusqaýshy-sportshysy Z.R.Gabidýllina, «Qazaqstan temir joly» UQ» AQ prezidentiniń keńesshisi F.H.Galimov, «Qazaqstan Respýblikasy Ulttyq ǵylym akademiiasy» RQB prezidenti M.Jurynov, Ulttyq qaýipsizdik komitetiniń Tóraǵasy K.Q.Másimov, Qazaqstan Respýblikasynyń Resei Federatsiiasyndaǵy Tótenshe jáne ókiletti elshisi M.M.Tájin, Prezident janyndaǵy Memlekettik basqarý akademiiasynyń institýt direktory Z.L.Fedotova, III dárejeli «Barys» ordenimen – jýrnalist, qoǵam qairatkeri A.Bekbosyn, Parlament Senaty Tóraǵasynyń orynbasary B.Á.Beknazarov, «Bazis» holding kompaniiasy» JShS direktorlar keńesiniń tóraǵasy A.Ia.Belovich, kompozitor A.Qorazbaev, Qarjy ministrliginiń jaýapty hatshysy N.A.Korjova, «Nur Otan» partiiasy Tóraǵasynyń birinshi orynbasary M.A.Qul-Muhammed, Ońtústik Qazaqstan oblysy «SAÝTS OIL» JShS prezidenti S.Seitjanov, Aqmola oblysy «Agrofirma «TNK» JShS bas direktory B.T.Ýáliev, akademik T.Sharmanov, «Qazaqstan Halyq Banki» AQ basqarma tóraiymy Ú.B.Shaiahmetova jáne basqalar marapattalady.
Bir top belgili ǵalymdar men mádeniet, bilim qairatkerleri, óndiristik sala ókilderiniń eńbegi «Parasat» ordenimen atap ótildi, olardyń arasynda «Turan» ýniversitetiniń rektory R.A.Alshanov, akter D.T.Ahimov, «Ulttyq óner» JShS direktory T.N.Býrmistrova, «Qazaqstan Aliýminiii» AQ prezidenti A.B.Esenjolov, jazýshy Q.Jienbai, «Kamerata Kazahstana» klassikalyq mýzyka ansambli» RMKK direktory G.K.Myrzabekova, Mańǵystaý oblysy «Senek» JShS direktory Q.Naýryzmaǵanbetov, «Eýraziialyq quqyq qorǵaý ortalyǵy» QQ prezidenti E.N.Nurǵalieva, Soltústik Qazaqstan oblysy «Taiynsha-Astyq» JShS bas direktory A.B.Rafalskii, Sáýletshiler odaǵynyń prezidenti A.I.Rústembekov, M.Áýezov atyndaǵy Qazaq memlekettik akademiialyq drama teatrynyń ártisteri Q.Tastanbekov pen T.Tasybekova, aqyn S.Turǵynbekuly bar.
II dárejeli «Dostyq» ordenine «Vainah» Qaraǵandy oblysynyń cheshen-ingýsh etnomádeni birlestigi» QB tóraǵasy Ý.H.Djanaev, Astana qalasy «Jastar teatry» MKQK kórkemdik jetekshisi N.Jaqypbai, «Qazaqstan Respýblikasynyń Ulttyq injenerlik akademiiasy» RQB prezidenti B.T.Jumaǵulov, «Akýsherlik, ginekologiia jáne perinatologiia ǵylymi ortalyǵy» RMK professory N.Á.Kaiýpova, «Memlekettik respýblikalyq korei mýzykalyq komediia teatry» RMQK direktory L.A.Ni, «S.Asfendiiarov atyndaǵy Qazaq ulttyq meditsina ýniversiteti» RMK professory K.S.Ormantaev, ánshi R.Q.Rymbaeva, jazýshy R.Seisenbaev, Mońǵoliianyń «Jerlester» qazaq qoǵamdyq uiymy tóraǵasynyń orynbasary S.Táýkeiuly jáne basqalar ie boldy.
«Qurmet» ordenimen marapattalǵandar qatarynda «L.N.Gýmilev atyndaǵy Eýraziia ulttyq ýniversiteti» RMK professory Q.Alpysbaev, jazýshy J.Ahmadiev, Shyǵys Qazaqstan oblysy Semei qalasy «№19 jalpy orta bilim berý mektebi» MM direktory Á.S.Ahmerova, rejisser R.J.Ábdirashov, Almaty qalasy «aimaqtyq diagnostikalyq ortalyq» RMK rentgenolog-dárigeri M.S.Baijanov, «Ertis sý joldary kásiporny» RMQK «Malaisary Tarhan» kemesiniń kezekti kapitan-mehanigi A.N.Bedrin, «Ulttyq ǵylymi kardiohirýrgiia ortalyǵy» AQ Basqarma tóraǵasynyń orynbasary M.S.Bekbosynova, «Qazanǵap atyndaǵy Qyzylorda mýzykalyq kolledji» MKQK direktory K.Sh.Botabaev, Almaty oblysy «Dáýlet Beket» JShS bas direktory S.Á.Dáýletov, Atyraý oblysy Eltai aýyldyq okrýginiń ákimi E.J.Dúishim, Batys Qazaqstan oblysy «Kirgenev» ShQ basshysy Q.E.Kirgenev, Aqtóbe qalasy «Oblystyq Dostyq Úii» MKQK «Dostyq sazy» halyqtyq folklorlyq ansambliniń kórkemdik jetekshisi B.J.Zeinelov, shahmatshy D.R.Sádýaqasova, Jambyl oblystyq ardagerler keńesiniń tóraǵasy E.B.Soltybaev bar.
Ónerkásip, kólik, qurylys, aýyl sharýashylyǵy jáne basqa materialdyq óndiris salalarynyń 72 jumysshysy men eńbekkeri «Eńbek Dańqy» ordeniniń iegerleri atandy.
«Qazaqstannyń eńbek sińirgen qairatkeri» qurmetti ataǵy ǵylym, mádeniet jáne áleýmettik salanyń 53 kórnekti ókiline berildi. Qazaqstan Respýblikasynyń Qurmet gramotasymen 539 adam nagradtaldy.
Áskeri jáne qyzmettik boryshyn úlgili atqarǵany, zańdylyq pen quqyqtyq tártipti qamtamasyz etýde, eldiń ulttyq qaýipsizdigi men qorǵanys qabiletin nyǵaitý kezinde kórsetken erligi men qajyrlylyǵy úshin áskeri qyzmetshiler men quqyq qorǵaý organdary ókilderiniń bir toby I jáne II dárejeli «Dańq» ordenimen, I, II jáne III dárejeli «Aibyn» ordenimen, «Erligi úshin» jáne «Jaýyngerlik erligi úshin» medaldarymen marapattaldy.
Nagradtalǵandardyń tizimi jergilikti baspasózde jariialanady.
