Memlekettik qyzmet isteri jáne sybailas jemqorlyqqa qarsy is-qimyl agenttiginiń tóraǵasy Alik Shpekbaev segiz saǵattyq jumys kúnine keiin melekettik organdardaǵy kompiýterlerdiń óshirilýin qadaǵalaýdy tapsyrdy, dep habarlaidy QazAqparat tilshisi.
«Barlyq memlekettik organdarǵa ózgermeli keste men segiz saǵattyq jumys kúnine keiin melekettik organdardaǵy kompiýterlerdiń avtomatty óshirilýin engizý qajet. Ózderińiz bilesizder, Memleket basshysy tarapynan syn aityldy Barlyq derlik memorgandar muny qoldady, 18:30-da kompiýterlerdi óshirýdi ortalyqtandyrý máseleleri sheshildi. Endi muny qadaǵalaý kerek. Biz memlekettik qyzmetshilerdiń jumysy men jeke ómiri arasyndaǵy teńgerimdi saqtaýymyz kerek», - dedi Shpekbaev 2018 jyldyń ekinshi jartysyndaǵy jumys qorytyndysyna arnalǵan keńeitilgen alqa otyrysynda.
Sonymen birge, Agenttik tóraǵasy emlekettik qyzmetshilerdiń elektrondy qujat ainalymy júiesine qoljetimdiligin qamtamasyz etý múmkindigi týraly aityp berdi.
«Jappai «bulttyq» tehnologiialar engizilip jatqanda, biz memlekettik qyzmetshilerdi kabinetke bailap, basqarý sheshimderin qabyldaýda qajetsiz áýre-sarsańǵa salyp jatyrmyz», - dedi ol.
