Óz salasynda tyń bastamalar men tiimdi usynystar engizgen memlekettik qyzmetshilerdi kótermeleýdiń tetikteri paida bolady, dep habarlaidy "Ult aqparat".
Memlekettik basqarýdyń jańa modeline korporativtik sektordyń oń tájiribeleri de engizilmek.
Naqtyraq aitsaq, memlekettik qyzmetkerlerdi jeke jáne kvazimemlekettik sektorda, halyqaralyq uiymdarda taǵlymdamadan ótkizý josparlanyp otyr. Al óz jumysynda tyń bastamalar kóterip, jumysty tiimdi uiymdastyrý boiynsha utymdy usynystar aitqan qyzmetshilerdi kótermeleýdiń tetikteri paida bolmaq.
Memlekettik qyzmet isteri agenttigi tóraǵasynyń orynbasary Darhan Jazyqbaevtyń aitýynsha, bul ózgeristerdiń bári «Memlekettik basqarýdy damytýdyń 2030 jylǵa deiingi tujyrymdamasynda» qamtylǵan.
«Korporativtik sektordyń oń tájiribesin tabysty engizý maqsatynda memlekettik qyzmetshilerdiń kvazimemlekettik, jeke jáne halyqaralyq uiymdarda taǵylymdamadan ótýi josparlanýda. Memlekettik qyzmetshilerdiń bilimi men daǵdylaryn úzdiksiz arttyrý qamtamasyz etiletin bolady. Bastamalar men ratsionalizatorlyq usynystardy kótermeleý tetikteri engiziledi. Bul memlekettik qyzmette korporativtik mádenietti jaqsartýǵa múmkindik beredi», - dedi agenttik tóraǵasynyń orynbasary.
