ٶز سالاسىندا تىڭ باستامالار مەن تيٸمدٸ ۇسىنىستار ەنگٸزگەن مەملەكەتتٸك قىزمەتشٸلەردٸ كٶتەرمەلەۋدٸڭ تەتٸكتەرٸ پايدا بولادى, دەپ حابارلايدى "ۇلت اقپارات".
مەملەكەتتٸك باسقارۋدىڭ جاڭا مودەلٸنە كورپوراتيۆتٸك سەكتوردىڭ وڭ تەجٸريبەلەرٸ دە ەنگٸزٸلمەك.
ناقتىراق ايتساق, مەملەكەتتٸك قىزمەتكەرلەردٸ جەكە جەنە كۆازيمەملەكەتتٸك سەكتوردا, حالىقارالىق ۇيىمداردا تاعلىمدامادان ٶتكٸزۋ جوسپارلانىپ وتىر. ال ٶز جۇمىسىندا تىڭ باستامالار كٶتەرٸپ, جۇمىستى تيٸمدٸ ۇيىمداستىرۋ بويىنشا ۇتىمدى ۇسىنىستار ايتقان قىزمەتشٸلەردٸ كٶتەرمەلەۋدٸڭ تەتٸكتەرٸ پايدا بولماق.
مەملەكەتتٸك قىزمەت ٸستەرٸ اگەنتتٸگٸ تٶراعاسىنىڭ ورىنباسارى دارحان جازىقباەۆتىڭ ايتۋىنشا, بۇل ٶزگەرٸستەردٸڭ بەرٸ «مەملەكەتتٸك باسقارۋدى دامىتۋدىڭ 2030 جىلعا دەيٸنگٸ تۇجىرىمداماسىندا» قامتىلعان.
«كورپوراتيۆتٸك سەكتوردىڭ وڭ تەجٸريبەسٸن تابىستى ەنگٸزۋ ماقساتىندا مەملەكەتتٸك قىزمەتشٸلەردٸڭ كۆازيمەملەكەتتٸك, جەكە جەنە حالىقارالىق ۇيىمداردا تاعىلىمدامادان ٶتۋٸ جوسپارلانۋدا. مەملەكەتتٸك قىزمەتشٸلەردٸڭ بٸلٸمٸ مەن داعدىلارىن ٷزدٸكسٸز ارتتىرۋ قامتاماسىز ەتٸلەتٸن بولادى. باستامالار مەن راتسيوناليزاتورلىق ۇسىنىستاردى كٶتەرمەلەۋ تەتٸكتەرٸ ەنگٸزٸلەدٸ. بۇل مەملەكەتتٸك قىزمەتتە كورپوراتيۆتٸك مەدەنيەتتٸ جاقسارتۋعا مٷمكٸندٸك بەرەدٸ», - دەدٸ اگەنتتٸك تٶراعاسىنىڭ ورىنباسارى.
