Prezident Joldaýynda qazaqstandyqtar úshin memlekettik qyzmet tolyqtai smartfon arqyly qoljetimdi bolatyndyǵy aityldy, dep habarlaidy QazAqparat.
«Aldymen Tsifrlyq Úkimetti qaita qalyptastyrý máselesi tur. Memlekettik sektordyń barlyq IT bastamalary jańa platformaǵa negizdeledi. Otandyq IT salasy basqalardan qaitalaýdy qoiyp, ondaǵy óteýsiz shyǵyn men biýrokratiiany joiý kerek. Halyq úshin memlekettik qyzmet 100 paiyz smartfonmen qoljetimdi bolady», - dedi Qasym-Jomart Toqaev Joldaý barysynda.
Aita keteiik, buǵan deiin Prezident joǵary sanatty otandyq IT mamandardy ázirleýdi tapsyrǵan edi.
«Tsifrlandyrý týraly ulttyq joba aiasynda kem degende 100 myń joǵary sanatty IT maman ázirleýimiz kerek. Eksporttyq jáne tsifrlyq sala boiynsha taýar qyzmeti 2025 jylǵa qarai kem degende 500 mln AQSh dollaryna jetýi tiis. Memlekettik sektordy tsifrlandyrýda osy jáne ózge de mindetterdi qaita qarastyrý qajet. Bul jerdegi basty másele memlekettik organdardyń aqparattyq júiesinde integratsiianyń joqtyǵy. Bul suraq shuǵyl sheshim men kúrdeli ózgeristi talap etedi», - degen edi Memleket basshysy.
