Ortalyq kommýnikatsiialar qyzmetinde QR QM Memlekettik kirister komitetiniń tóraǵasy Marat Sultanǵaziev asabalar men ánshilerdiń tabysyna salyq salýǵa qatysty túsinik berdi, dep habarlaidy "Ult aqparat".
Baspasóz máslihatynda ánshiler men asabalar jeke kásipker retinde tirkelmegeni, alaida olardyń tabysyna salyq tóletý qalai retteletini suraldy.
«Salyq tóleý úshin olar aldymen salyq tirkeýine turýy kerek. Tirkeýge turǵyzý boiynsha jumys júrgizemiz, olarǵa hattamalardy berip, tirkeýge qoiamyz. Qazirgi kezde bul baǵyt mikrobiznes bolǵannan keiin, osy sala tabys salyǵynan tolyq bosatylǵan», - dep túsindirdi Sultanǵaziev.
