QR Memlekettik hatshysy Qyrymbek Kósherbaev Nursultan Nazarbaev qory uiymdastyrǵan «Táýelsiz Qazaqstannyń ziiatkerlik áleýeti: qalyptasýy men damýyna 30 jyl» atty I Halyqaralyq jas ǵalymdar forýmyna qatysty.
Qyrymbek Kósherbaev forýmnyń «Memleket, ǵylym men biznestiń ózara áreketi – eldiń innovatsiialyq damýynyń negizgi faktory» atty plenarlyq sessiiasynda sóz sóiledi. Óz sózinde ol Táýelsizdik jyldarynda Qazaqstannyń Tuńǵysh Prezidenti – Elbasy N.Á.Nazarbaevtyń saiasatynyń arqasynda qazaqstandyq ǵylymnyń turaqty damýyn qamtamasyz etetin, jas ǵalymdardy memlekettik turǵydan qoldaýdyń tetikterin jetildiretin naqty ári mańyzdy sheshimder qabyldanǵanyn atap ótti.
Memlekettik hatshy zamanaýi ǵylymdy ilgeriletý, qol jetken jetistikterin el ishinde keńinen nasihattaý ǵylymi-tehnologiialyq damýdyń basym baǵyttarynyń biri ekenin aitty. Bul tarapta atqarylatyn jumys az emes. Qyrymbek Kósherbaevtyń aitýynsha, ǵylymi-tehnologiialyq jáne innovatsiialyq baǵyttaǵy jumystarǵa ýaqyt talabyna sai ózgeris qajet. Atap aitqanda, ulttyq innovatsiialyq júie qurý jáne basqarý isine jańa mehanizm engizilýi kerek.
Qyrymbek Kósherbaev Memleket basshysynyń tapsyrmasy boiynsha ǵalymdardyń ǵylymi áleýetin kóterý maqsatynda álemniń irgeli ǵylymi ortalyqtarynda taǵylymdamadan ótýge 500 grant jáne «Jas ǵalym» jobasy boiynsha doktorantýrany aiaqtaǵan azamattarǵa 1000 grant bólýge qatysty jumystar júrip jatqanyn mysal retinde atap ótti.
Sóz sońynda Memlekettik hatshy osyndai halyqaralyq is-shara uiymdastyrǵan Nursultan Nazarbaev qoryna alǵys aityp, forým jumysy otandyq ǵylymnyń damýyna septigin tigizetinine senim bildirdi.
