Tóregeldi Sharmanov QR Tuńǵysh Prezidenti – Elbasynyń Beibitshilik jáne progress syilyǵymen marapattaldy, dep habarlaidy "Ult aqparat".
Prezident Jarlyǵymen bekitilgen arnaiy tósbelgi men qujatty akademikke QR Memlekettik hatshysy Qyrymbek Kósherbek tabys etti. Elbasy men Memleket basshysynyń sálemin jetkizgen Memlekettik hatshy Tóregeldi Sharmanovqa densaýlyq saqtaý salasyndaǵy eren eńbegi úshin alǵys bildirdi. Qyrymbek Kósherbaev akademiktiń densaýlyq saqtaý salasyna qosqan úlesi ushan teńiz ekenin aityp, qazaq eli ǵana emes TMD-nyń meditsinasyn alǵa súiregen azamattyń biri ekenin tilge tiek etti. Onyń naqty mysaly retinde 1978 jyly Almatyda qabyldanǵan HH ǵasyrdaǵy densaýlyq saqtaý salasynyń hartiiasy. Bul qujat áli kúnge deiin dúniejúzilik densaýlyq saqtaý salasynyń bir maqtanyshy sanalady eken.
«Ótken jyly DDSU óziniń konferentsiiasynda Almaty deklaratsiiasynyń HHI ǵasyrda da ózekti ekenin aityp, densaýlyq saqtaý salasyndaǵy basty basymdyq retinde alǵashqy meditsinalyq kómek qala beredi dep qaýly qabyldady. Densaýlyq saqtaý salasynyń bolashaǵyn jáne negizgi basymdyqtaryn aiqyndaǵan úlken qujattyń qazaq jerinde, Almatyda qabyldanǵany, onyń ishinde Tóregeldi Sharmanulynyń bastamasy bolǵanyn biz maqtanyshpen aitamyz.
Al toqsannyń tórine shyqqan akademik búginde durys tamaqtaný baǵytynda tolaiym tabystarǵa jetip, meditsina men ulttyq dástúrdi ushtastyrǵan ǵalym óskeleń urpaqty tárbieleýde eren eńbek sińirip keledi», – dedi Qyrymbek Kósherbaev.
Óz kezeginde Tóregeldi Sharmanov Elbasy men Memleket basshysyna alǵys aitty. Jastarǵa ósietin jetkizdi.
«Eń bastysy, erinbei eńbek etý kerek. Halyqqa, elge, ortańa adal qyzmet qylsań, baq pen bereke óz aiaǵymen keledi», – dedi Tóregeldi Sharmanov.
