QR Memlekettik hatshysy Marat Tájin kezekten tys prezidenttik sailaýda daýys berdi, dep habarlaidy QazAqparat tilshisi.
Memlekettik hatshy jubaiymen birge QR Ulttyq kitaphanasynda ornalasqan №111 sailaý ýchaskesine keldi.
Aita keteiik, №111 sailaý ýchaskesinde 4 661 turǵyn tirkelgen. Olardyń 2 myńǵa jýyǵy alǵashqy bes saǵatta (saǵat 12.00-ge deiin) daýys berip úlgerdi.
Odan bólek, ýchaskede partiiadan - 2 baiqaýshy, qoǵamdyq uiymdardan - 5 baiqaýshy, senimdi ókilder - 3, BAQ - 13 jýrnalist bar. Halyqaralyq baiqaýshylar retinde BUU (3) jáne EQYU (5) ókilderi keldi.
Atalǵan ýchaskede QR Mádeniet jáne sport ministri Arystanbek Muhamediuly, «Nur Otan» partiiasy tóraǵasynyń birinshi orynbasary Máýlen Áshimbaev, QR Prezidenttigine úmitker Amangeldi Taspihov, QR Parlamenti Májilisiniń tóraǵasy Nurlan Nyǵmatýlin daýys berdi.
QR Prezidentiniń kezekten tys sailaýynda el ishinde jáne shet elderde 9 968 daýys berý ýchaskesi jumys isteýde. Sailaý týraly Konstitýtsiialyq zańǵa sáikes, daýys berý ýaqyty standartty (saǵat 7.00-20.00 aralyǵy) bolady. Batys Qazaqstan, Aqtóbe, Atyraý, Mańǵystaý, Qyzylorda oblystarynda ýaqyt aiyrmashylyǵyna bailanysty sailaý ýchaskeleri jergilikti ýaqyt boiynsha saǵat 07.00-de - Nur-Sultan ýaqyty boiynsha saǵat 08.00-de ashyldy.
