QR Memlekettik hatshysy Erlan Qarin eldegi ahýal birtindep qalypqa túsip jatqanymen, saqtyqty joǵaltýǵa bolmaitynyn aitty, dep habarlaidy QazAqparat.
Bul týraly ol «Habar 24» telearnasyna bergen suhbatynda aitty.
«Negizgi kezeńnen ótkennen keiin sarapshylyq talqylaýlar, sonyń ishinde jalǵan sarapshylyq talqylaýlar aiaqtalǵannan keiin naqty faktiler men hronologiialar negizinde osy oqiǵalardyń shynaiy aýqymy men shynaiy sipaty bárine túsinikti bolady dep oilaimyn», - dedi Memleket hatshy suhbat barysynda.
Sondai-aq, ol eldegi ahýaldyń turaqtaný qarqyny týraly da pikir bildirdi.
«Men óz-ózimizdi aldandyryp, arqany keńge salǵanymyzdy qalamas edim. Mundaiǵa jol berilgenin qalamaimyn. Óitkeni barynsha salmaqty táýekel saqtalyp tur. Barsha qyzmetter tolyq daiyndyq rejimine kóshken. Astanamyzdyń ózinde osyndai shiryqqan jaǵdai baiqalady dep aitýǵa bolady. Sondyqtan, azamttarymyzǵa saq bolý kerek. Nege? Sizderdiń arnalaryńyzdan kórgen shyǵarmyn, azamattarda kúdikti tulǵalar, obektiler týraly málimet bolsa, quzyrly organdarǵa habarlaýdy suraǵan málimetter shyǵyp jatyr», - dedi Erlan Qarin.
Onyń aitýyna qaraǵanda, mundai habarlandyrýlar jaidan-jai berilmeidi.
«Óitkeni qater ishimizde, qaýip janymyzda. Sondyqtan saq bolý kerek. Biraq meniń oiymsha, eń bir shielenisti, shetin sátter ótip ketti. Bul jerde Prezidenttiń ózi negizgi ról atqardy dep esepteimin. Óitkeni kúshtik qurylymdardy paidalanýda naqty baǵdarlanǵan sheshimder qabyldady. Memlekettik organdarǵa aiqyn nusqaýlar berip, tipti aqparat alańynda da bastamany óz qolyna aldy. Iaǵni kún saiyn halyqqa shyǵyp, bárin qarapaiym tilmen naqty baiandap otyrdy», - dedi Memlekettik hatshy.
