قر مەملەكەتتٸك حاتشىسى ەرلان قارين ەلدەگٸ احۋال بٸرتٸندەپ قالىپقا تٷسٸپ جاتقانىمەن, ساقتىقتى جوعالتۋعا بولمايتىنىن ايتتى, دەپ حابارلايدى قازاقپارات.
بۇل تۋرالى ول «حابار 24» تەلەارناسىنا بەرگەن سۇحباتىندا ايتتى.
«نەگٸزگٸ كەزەڭنەن ٶتكەننەن كەيٸن ساراپشىلىق تالقىلاۋلار, سونىڭ ٸشٸندە جالعان ساراپشىلىق تالقىلاۋلار اياقتالعاننان كەيٸن ناقتى فاكتٸلەر مەن حرونولوگييالار نەگٸزٸندە وسى وقيعالاردىڭ شىنايى اۋقىمى مەن شىنايى سيپاتى بەرٸنە تٷسٸنٸكتٸ بولادى دەپ ويلايمىن», - دەدٸ مەملەكەت حاتشى سۇحبات بارىسىندا.
سونداي-اق, ول ەلدەگٸ احۋالدىڭ تۇراقتانۋ قارقىنى تۋرالى دا پٸكٸر بٸلدٸردٸ.
«مەن ٶز-ٶزٸمٸزدٸ الداندىرىپ, ارقانى كەڭگە سالعانىمىزدى قالاماس ەدٸم. مۇندايعا جول بەرٸلگەنٸن قالامايمىن. ٶيتكەنٸ بارىنشا سالماقتى تەۋەكەل ساقتالىپ تۇر. بارشا قىزمەتتەر تولىق دايىندىق رەجيمٸنە كٶشكەن. استانامىزدىڭ ٶزٸندە وسىنداي شيرىققان جاعداي بايقالادى دەپ ايتۋعا بولادى. سوندىقتان, ازامتتارىمىزعا ساق بولۋ كەرەك. نەگە? سٸزدەردٸڭ ارنالارىڭىزدان كٶرگەن شىعارمىن, ازاماتتاردا كٷدٸكتٸ تۇلعالار, وبەكتٸلەر تۋرالى مەلٸمەت بولسا, قۇزىرلى ورگاندارعا حابارلاۋدى سۇراعان مەلٸمەتتەر شىعىپ جاتىر», - دەدٸ ەرلان قارين.
ونىڭ ايتۋىنا قاراعاندا, مۇنداي حابارلاندىرۋلار جايدان-جاي بەرٸلمەيدٸ.
«ٶيتكەنٸ قاتەر ٸشٸمٸزدە, قاۋٸپ جانىمىزدا. سوندىقتان ساق بولۋ كەرەك. بٸراق مەنٸڭ ويىمشا, ەڭ بٸر شيەلەنٸستٸ, شەتٸن سەتتەر ٶتٸپ كەتتٸ. بۇل جەردە پرەزيدەنتتٸڭ ٶزٸ نەگٸزگٸ رٶل اتقاردى دەپ ەسەپتەيمٸن. ٶيتكەنٸ كٷشتٸك قۇرىلىمداردى پايدالانۋدا ناقتى باعدارلانعان شەشٸمدەر قابىلدادى. مەملەكەتتٸك ورگاندارعا ايقىن نۇسقاۋلار بەرٸپ, تٸپتٸ اقپارات الاڭىندا دا باستامانى ٶز قولىنا الدى. ياعني كٷن سايىن حالىققا شىعىپ, بەرٸن قاراپايىم تٸلمەن ناقتى بايانداپ وتىردى», - دەدٸ مەملەكەتتٸك حاتشى.
