Aldaǵy ýaqytta birtindep biýdjet tapshylyǵyn tómendetý josparlanýda.
Bul týraly Parlament Senatynyń jalpy otyrysynda QR Úkimetiniń 2020 jylǵy respýblikalyq biýdjettiń atqarylýy týraly esebin qaraý kezinde Qarjy ministri Erulan Jamaýbaev málim etti, dep habarlaidy "Ult aqparat".
«Kvazimemlekettik sektordyń qyzmeti týraly biraz syndar aityldy. Osy baǵytta memlekettiń ekonomikaǵa tikelei qatysýyn qysqartý boiynsha jumys jalǵasady jáne jekeshelendirý protsesi kúsheitiledi.
Jyl saiynǵy kóteriletin másele – ol kvazimemlekettik sektor sýbektileriniń shottaryndaǵy qaldyqtar. Biýdjet zańnamasyna qajetti ózgertýler qabyldandy.
Bul qarajat sýbektilerdiń tiisti organdarynyń sheshimimen belgilengen tártip boiynsha jańa jobalarǵa baǵyttalady nemese biýdjetke qaitarylady» - dedi Jamaýbaev.
Onyń aitýynsha, atalǵan esepti qaraý kezinde memlekettik boryshtyń ósýine erekshe nazar aýdaryldy.
«Rasynda, daǵdarysqa qarsy sharalardy qarjylandyrý úshin 2020 jyly biz biýdjettiń tapshylyǵyn jáne qaryzdardy ulǵaitýǵa májbúr boldyq.
Aldaǵy ýaqytta birtindep biýdjet tapshylyǵyn tómendetý josparlanýda. Bul jańadan qaryz alý qarqynyn da azaitady.
Valiýtalyq táýekelderdi boldyrmaý jáne qaryz quraldarynyń jergilikti naryǵyn damytý úshin barynsha ishki naryqtyń ótimdiligi paidalanylatyn bolady.
Memlekettik borysh qaýipsiz deńgeide saqtalady jáne ol belgilengen limitten asyp ketpeidi» - dedi ministr.
