Bilim berý granttaryn taǵaiyndaý konkýrsyna qatysý úshin 40 myńǵa jýyq ótinish berildi. Qujattardy qabyldaý 16 shildede bastalyp, 25 shildege deiin jalǵasady, dep habarlaidy "Ult aqparat" BǴM silteme jasap.
Qujattardy rásimdeý Egov elektrondyq úkimet portaly arqyly onlain júzege asyrylady.
Memlekettik bilim berý granttaryn taǵaiyndaý konkýrsyna qatysý úshin talapkerlerge kelesi qujattar qajet:
1. jeke kýálik;
2. 3h4 kólemindegi elektrondyq tsifrlyq foto;
3. orta bilim týraly attestattyń kóshirmesi;
4. tehnikalyq jáne kásiptik bilim berý (TjKB) uiymdarynyń túlekteri úshin diplomnyń kóshirmesi;
5. TjKB uiymdarynyń túlekteri úshin jumys ótilin rastaityn qujattar;
6. jeńildetilgen sanat boiynsha konkýrsqa qatysý úshin rastaityn qujattar, atap aitqanda:
- I, II toptaǵy múgedekter, bala kezinen múgedekter, múgedek balalar qataryndaǵy azamattar;
- jeńildikter men kepildikter boiynsha Uly Otan soǵysy qatysýshylaryna teńestirilgen adamdar;
- aýyldardyń áleýmettik-ekonomikalyq damýyn aiqyndaityn mamandyqtar boiynsha aýyl jastary arasynan shyqqan azamattar;
- Qazaqstan Respýblikasynyń azamattary bolyp tabylmaityn ulty qazaq adamdar;
- jetim balalar jáne ata-anasynyń qamqorlyǵynsyz qalǵan balalar, sondai-aq kámeletke tolǵanǵa deiin ata-anasynan aiyrylǵan nemese ata-anasynyń qamqorlyǵynsyz qalǵan jastar qataryndaǵy azamattar;
- «Máńgilik el jastary – indýstriiaǵa!» jobasyna qatysyp jatqan aýyl jastary («Serpin»);
- 4 jáne odan da kóp kámeletke tolmaǵan balalardy tárbielep otyrǵan otbasylardan shyqqan balalar;
- mártebesi keminde úsh jyl tolyq emes otbasylar qataryndaǵy balalar;
- bala kezinen múgedek balalardy, birinshi jáne ekinshi toptaǵy múgedekterdi tárbielep otyrǵan otbasylardan shyqqan balalar.
Eger talapker «Altyn belgi» iegeri bolsa nemese otansúigishtik jáne belsendi azamattyq ustanymy úshin erekshelik belgisimen marapattalsa, onda ol basqa talapkerlermen baldary teń bolǵan jaǵdaida basym quqyqqa ie bolady. Olimpiadalar men sporttyq jarystardyń jeńimpazdary da basym quqyqqa ie. Ótinish berýshiniń mundai jetistikteri eskerilýi úshin rastaityn qujattardyń kóshirmelerin de júkteý qajet.
Shet tilin meńgergenin rastaityn halyqaralyq sertifikat bolǵan kezde ótinish berýshi halyqaralyq til sertifikatynyń ataýyn, balyn kórsetedi jáne elektrondyq sertifikatty tirkeidi.
Aita keteiik, konkýrsqa qatysý úshin qujattardy tapsyrý kezinde meditsinalyq anyqtama talap etilmeidi. Meditsinalyq anyqtamany tamyz aiynda ýniversitetke qabyldaý kezinde tapsyrý qajet. QR Bilim jáne ǵylym ministrligi memlekettik bilim grantyn taǵaiyndaý konkýrsyna ótinish berýge kómektesetin nusqaýlyqty jariialady.
