QR Prezidenti Qasym-Jomart Toqaev memlekettik basqarý júiesine kadrlardy irikteý ustanymdary jóninde aityp berdi, dep habarlaidy "Ult aqparat".
«Qoǵamnyń saiasi ózgerýi jalǵasa beredi. Saiasi qondyrmalar tereń ekonomikalyq ózgeristerge negizdelýi tiis. Áitpese, reformalar turalap qalýy múmkin», - dedi Prezident.
Onyń aitýynsha, muny álemdik tájiribeden anyq baiqaýǵa bolady.
«Memlekettik basqarý júiesine tek qana laiyqty, bilimdi azamattar ádil báseke negizinde kelýi tiis. Kadrlardy irikteýdiń ózge ustanymy bolmaýy tiis. Jalpy biliktiń halyq aldyndaǵy jaýapkershiligin arttyrý mindeti tur», - dedi Q. Toqaev.
Sonymen birge, Prezident azamattyq qoǵamdy damytýǵa erekshe kóńil bólinetinin jetkizip, jańa kadrlyq rezerv qurý arqyly jas ári daryndy jastarǵa qoldaý kórsetiletinin málim etti.
«Meniń eń basty mindetim - sizder eń basty armandaryńyzdy oryndai alatyndai jaǵdai jasaý, ózińizdiń jetistik jolyńyz týraly jaza bilýge múmkindik jasaý. Memlekettik qyzmettiń barlyq deńgeiinde jańa daryndy basqarýshylardy qoldaý úshin Prezidenttik kadrlyq rezerv qurylady. Bizdiń jastar - óte daryndy ári kreativti, maqsatqa umtylyp turady. Sol sebepti, Qazaqstannyń bolashaǵy senimdi qolda dep aita alamyn», - dedi Qasym-Jomart Toqaev elordadaǵy ulyqtaý rásiminde.
