Senattyń jalpy otyrysynda «Qazaqstan Respýblikasynyń keibir zańnamalyq aktilerine memlekettik basqarý deńgeileri arasynda ókilettikterdi qaita bólý máseleleri boiynsha ózgerister men tolyqtyrýlar engizý týraly» zań jobasy birinshi oqylymda maquldandy, dep habarlaidy QazAqparat.
Zań jobasynyń qabyldaý maqsaty – ol memlekettik basqarý deńgeileri arasynda quzyretterdi odan ári qaita bólip, onyń ázirleýi aldyńǵy ákimshilik reformalardyń jalǵasy bolady. Joba, Memleket basshysynyń tapsyrmalaryn, strategiialyq qujattarda jáne sarapshylardyń usynymdarynda aiqyndalǵan basymdyqtardy eskere otyryp daiyndaldy.
«Ony ázirleý kezinde ortalyq jáne jergilikti deńgeilerdegi memlekettik fýnktsiialardy taldaý boiynsha aýqymdy jumys júrgizildi. Zań jobasynda 46 zańnamalyq aktige, onyń ishinde 2 kodeks pen 44 zańǵa túzetýler kózdelip otyr. Zań jobasy sheńberinde 68 fýnktsiia qaita bólinedi, onyń ishinde Úkimetten ministrlikterge 63 fýnktsiia beriledi, jergilikti atqarýshy organdarǵa 5 fýnktsiia beriledi. Sonymen qatar, 4 memlekettik organǵa (EGTRM, IIM, TsDIAÓM, Qorǵanysmini) qosymsha ókilettikter beriledi», - dedi QR Ulttyq ekonomika ministri Áset Erǵaliev.
Onyń aitiýynsha, jalpy, zań jobasyn qabyldaý memlekettik basqarýdyń tiimdi júiesin qalyptastyrýda kezekti qadam bolady jáne onyń derbestigin odan ári arttyrýǵa yqpal etedi.
«Zań jobasy basqarý deńgeileri arasyndaǵy naqty quzyretterin ajyratý boiynsha júrgizilip jatqan saiasattyń sabaqtastyǵyn qamtamasyz etýge baǵyttalǵan. Jobany iske asyrý memlekettik biýdjetten qosymsha qarjy shyǵyndaryn talap etpeidi jáne teris áleýmettik-ekonomikalyq jáne quqyqtyq saldarǵa ákep soqpaidy», - dedi ministr.
Óz kezeginde Senattyń Ekonomikalyq saiasat, innovatsiialyq damý jáne kásipkerlik komitetiniń múshesi, depýtat Lázzát Rysbekova zań jobasymen Qazaqstan Respýblikasynyń 46 zańnamalyq aktige, sonyń ishinde Biýdjettik jáne Qylmystyq atqarý kodeksterine ózgerister men tolyqtyrýlar engizý kózdelgenin aitty.
Budan bólek, zań jobasymen Jergilikti atqarýshy organdardyń deńgeiine Bilim jáne ǵylym, Indýstriia jáne infraqurylymdyq damý, Aýyl sharýashylyǵy ministrlikteriniń keibir fýnktsiialaryn berý qarastyrylǵan.
«Sondai-aq, Ekologiia, geologiia jáne tabiǵi resýrstar, Qorǵanys, Ishki ister, Tsifrlyq damý, innovatsiialar jáne aeroǵarysh ónerkásibi ministrlikteriniń keiibir máselelerde ókilettikterin kúsheitý maqsatynda birqatar qosymsha fýntsiialar beriledi», - dedi L. Rysbekova.
