Qazaqstannyń memlekettik bas sanitarlyq dárigeri Aijan Esmaǵambetova koronavirýs infektsiiasy órship bara jatqan óńirlerdi atady, dep habarlaidy QazAqparat.
«Osy jyldyń 1 sáýirinde shyqqan meniń qaýlyma sáikes memlekettik shekara arqyly ótetin avtoótkelder men temirjol ótkelderinde mindetti sanitarlyq karantindik baqylaý engizilgen. Qaýlyǵa sáikes mindetti túrde tekserý júrgizilip, júrgizýshilerden saýalnama men test alynýy tiis. Test teris nátijeni kórsetse de ol adam úi karantinine jatqyzylýy kerek. Álbette test oń nátije kórsetse olar aýrýhanaǵa jatqyzylady», - dedi Aijan Esmaǵambetova OKQ-da ótken baspasóz máslihatynda.
Sonymen qatar, Aijan Esmaǵambetova Qyzylorda, Qaraǵandy, Túrkistan, Atyraý oblystarynda syrqattanýshylyqtyń joǵary ósimi tirkelgendikten atalǵan óńirlerge karantindik shekteý sharalaryn qatań saqtaý arqyly qosymsha shekteý sharalaryn engizý qajettigin atap ótti.
