Memleketter osaldyǵy boiynsha reitingide Qazaqstan 179 eldiń ishinde 116-shy orynǵa jaiǵasty, dep habarlaidy QazAqparat Finprom.kz saityna silteme jasap.
Memleketter osaldyǵy boiynsha Qazaqstan 2021 jyly 179 eldiń ishinde 116-shy boldy. Qazaqstan osaldyǵynyń kórsetkishi – 61,2. Bul – qaýiptiliktiń birkelki deńgeii.
Memleketterdiń osaldyǵy indeksi eldiń belsendi konfliktke deiingi, konflikt barysyndaǵy jáne odan keiingi pozitsiiasynyń álsizdigin baǵalaidy. Indeks uiymshyldyq, ekonomikalyq jáne saiasi jaǵdai, áleýmettik sala siiaqty tórt baǵytty, sondai-aq eldiń osaldyǵyn ólsheý úshin qoldanylatyn konflikt qateriniń 12 indikatoryn qamtidy (qaýipsizdik apparaty, elitalardyń fraktsiialarǵa bólinýi, toptyq narazylyq, ekonomikalyq quldyraý, birkelki emes ekonomikalyq damý, adamdardyń bas saýǵalap ketýi jáne elden kóshýi, memlekettiń legitimdigi, qoǵamdyq qyzmetter, adam quqyqtary jáne zań ústemdigi, demografiialyq qysym, bosqyndar, syrtqy aralasý).
Kórsetkish qanshalyqty joǵary bolsa, el sonshylyqty álsiz degendi bildiredi.
Qazaqstannyń eldiń legitimdiligi (8,2 upai), toptyq kóńil tolmaýshylyq (8 upai) jáne elitalardyń fraktsiialarǵa bólinýi (7,6 upai) boiynsha kórsetkishteri joǵary.
Eń osal elder reitingin Iemen, Somali jáne Siriia bastap tur.
TMD-nyń ózge elderiniń kórsetkishteri Qazaqstannan nashar bolyp shyqty. Qyrǵyzstan – 68, Ázerbaijan jáne Tájikstan – 71, Resei – 74, Ózbekstan – 80, Armeniia jáne Ýkraina – 91, Túrikmenstan – 97, Belarýs – 98 jáne Moldova 103-orynda ornalasqan.
Álemniń eń turaqty elderi retinde Finliandiia, Norvegiia jáne Islandiia ataldy.
