Koronavirýstan PTR test emes, vaktsina qorǵaidy. Bul týraly QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Memleket qarjysy esebinen vaktsinatsiia shyǵyny óteledi. Tegin vaktsina alyńyzdar. Eń bastysy, PTR test sizderdi koronavirýs infektsiiasynan qorǵai almaidy. Al vaktsina – qorǵaidy. Sondyqtan aýyrǵyńyz kelmese, qorǵanysta bolýdy qalasańyz, onda sizge memleket tegin vaktsina alýǵa múmkindik jasap otyr. Eger, azamattar túrli sebeptermen vaktsina alǵysy kelmese, onda (PTR test tapsyrýǵa) aqsha tóleýge týra keledi», - dedi ministr Ortalyq kommýnikatsiialar qyzmetindegi brifing barysynda BAQ ókilderiniń saýalyna orai.
Aita keteiik, elimizde KVI-ǵa qarsy vaktsina alýdan bas tartatyn qyzmet kórsetý salasynyń, ónerkásip kásiporyndarynyń jáne ózge de uiymdasqan ujymdardyń qyzmetkerleri úshin mindetti PTR-testileý talaby engiziledi. Testini ár 7 kún saiyn ótip turý qajet.
