Foto: nu.edu.kz
Ǵylym jáne joǵary bilim ministri Saiasat Nurbek Nazarbaev ýniversitetine bólinetin qarjyǵa bilim tapsyrysy jáne maqsatty depozitter kiretinin málim etti, dep habarlaidy Kazinform agenttigi.
«Nazarbaev ýniversitetine ótken jyldaǵydai shamamen 42 mlrd teńge qarjy bólemiz. Aldaǵy 3 jylda ýniversitetke qoldaý kórsetetin bolamyz. Memleketten bólingen qarjyǵa memlekettik bilim tapsyrysy jáne maqsatty depozitter kiredi. Sondyqtan alańdaýdyń qajeti joq», — dedi Saiasat Nurbek Úkimet otyrysynan keiin ótken baspasóz máslihatynda.
Sonymen qatar ministr aldaǵy 3 jyl boiy bólinetin qarjynyń biýdjette bekitilgenin aitty.
Eske salsaq, byltyr Ǵylym jáne joǵary bilim ministrligi Nazarbaev ýniversitetin qarjylandyrý kólemi jyldan-jylǵa azaiyp kele jatqanyn habarlaǵan edi.
«2020 jyly Nazarbaev ýniversitetin qarjylandyrýǵa respýblikalyq biýdjetten 55 243 246,6 myń teńge, 2021 jyly — 57 384 102,2 myń teńge, 2022 jyly — 45 038 666,7 myń teńge, al 2023 jyly — 42 571 878,8 myń teńge bólindi. Sońǵy eki jylda qarjylandyrý somasy ótken jyldarmen salystyrǵanda azaidy», — dep jaýap berdi ministrlik Kazinform saýalyna.
