Búgin, 23 maýsymda Táýelsiz Qazaqstannyń zańnamalyq bazasynyń qalyptasýy men damýyna zor úles qosqan belgili memleket qairatkeri Qýanysh Mahmutuly Alpysbekov 77 jasqa qaraǵan shaǵynda dúnieden ótti, dep habarlaidy "Ult aqparat" QR Parlament Májilisiniń baspasóz qyzmetine silteme jasap.
Májilis Tóraǵasy Nurlan Nyǵmatýlin marqumnyń otbasy men jaqyndaryna kóńil aitty.
«Májilis depýtattarynyń atynan jáne jeke óz atymnan orny tolmas qazaǵa bailanysty marqumnyń otbasyna, týǵan-týystaryna jáne jaqyndaryna kóńil aitamyn. II sailanǵan Parlament Májilisiniń depýtaty retinde Qýanysh Mahmutuly Alpysbekov otandyq zańnamalyq bazany jetildirýge súbeli úles qosty», - dedi Nurlan Nyǵmatýlin.
Sonymen qatar Májilis spikeri Qýanysh Alpysbekovtiń KOKP OK-de, keiinirek Kólik ministrliginde, Aqmola oblysynyń basshylyǵynda, sondai-aq QR Premer-Ministriniń Keńsesinde jaýapty memlekettik laýazymdarda jumys istegen jyldardaǵy joǵary kásibiligine toqtaldy.
«Kórnekti memleket qairatkeri, keremet tulǵa jáne senimdi dos Qýanysh Mahmutuly týraly jarqyn estelik adamdardyń júreginde máńgi saqtalady», – dep atap ótti Májilis spikeri.
