Memleket qarjysyn basqarý tujyrymdamasy ázirlenedi. Bul týraly Úkimet otyrysynda QR Ulttyq ekonomika ministri Áset Erǵaliev aitty, dep habarlaidy QazAqparat.
«Memleket qarjysynyń tiimdiligin arttyrý maqsatynda Memleket qarjysyn basqarý tujyrymdamasy ázirlenedi. Tujyrymdama biýdjet saiasatyn, memlekettik jáne kvazimemlekettik boryshty basqarý, sondai-aq Ulttyq qordyń qarajatyn qalyptastyrýyn jáne paidalanýyn basqarý máselelerin qamtidy», - dedi ol.
Ministrdiń atap ótýinshe, biýdjet qarjysyn basymdyqqa sai jumsaýdy qamtamasyz etý úshin «bloktyq» biýdjetti jáne jańa biýdjettik qaǵidalardy, sondai-aq biýdjettik limitterdi bólýdiń obektivti ádistemesin engizý kózdeledi. Jan basyna qarai qarjylandyrý tetigin qoldaný keńeitiledi.
«Mikro jáne shaǵyn biznes sýbektileri úshin eńbekaqy tóleý qorynan biryńǵai tólem engiziledi. Bul osy tólemderdi esepteý men tóleý tártibin ońailatýǵa, sondai-aq eńbekaqy tóleý qoryna túsetin jalpy júktemeni 2023 jyldan bastap 34 paiyzdan 25 paiyzǵa deiin tómendetýge múmkindik beredi», - dedi Áset Erǵaliev.
