Memleket basshysy Joǵarǵy sot tóraǵasy Jaqyp Asanovty qabyldady. Qazaqstan Prezidentine sot júiesin jańǵyrtý jumystary jóninde málimet berildi, dep habarlaidy Aqordanyń baspasóz qyzmeti.
Joǵarǵy sot tóraǵasy Memleket basshysyna Ákimshilik rásimdik-protsestik kodeks kúshine engennen keiingi 4 ai ishindegi nátijeler týraly aitty. Onyń aitýynsha, jańa kodekstiń engizilýi sheneýnikterdiń oilaý júiesin ózgertýge jáne tártibin kúsheitýge baǵyttalǵan.
Sonymen qatar Jaqyp Asanov Prezidentke daý-janjaldardy sheshýdiń balamaly tásilderin engizý, sybailas jemqorlyqqa qarsy jańa jobalardy ilgeriletý, birkelki sot tájiribesin jáne qylmystyq protseste taraptardyń shynaiy jarysyn qamtamasyz etý jóninde baiandady.
Qasym-Jomart Toqaev júrgizilip jatqan reformalardyń zań ústemdigin tolyq qamtamasyz etýi, azamattardyń quqyqtarynyń qorǵalý deńgeiiniń artýyna septigin tigizýi jáne biliktiń sot tarmaǵyna degen qoǵamnyń senimin kúsheitýi qajet ekenin atap ótti.
