Foto: Aqorda
Kezdesýde Qazaqstan men Jasyl klimat qorynyń yntymaqtastyǵyn nyǵaitý perspektivasy talqylandy, dep habarlaidy Ult.kz.
Qasym-Jomart Toqaev elimiz qorshaǵan ortany qorǵaýǵa, sonyń ishinde orman qoryn saqtaý men kóbeitýge, tabiǵi resýrstardy ońtaily paidalanýǵa erekshe kóńil bóletinin atap ótti.
Qazaqstan kelesi jyly Aimaqtyq klimat sammitin ótkizýdi josparlap otyr. Bul is-sharanyń negizgi maqsaty – ózekti máselelerdiń sheshimin birlesip izdeý, tabiǵat ózgeristerine beiimdelý, azyq-túlik pen sý qaýipsizdigin qamtamasyz etý.
Óz kezeginde Mafalda Dýarte klimat problemalaryn sheshýge baǵyttalǵan Qazaqstannyń kúsh-jigerine qoldaý bildirdi, ulttyq beiimdelý josparynyń oryndalýyna joǵary baǵa berdi.
Tabiǵat apattarynyń táýekelderin basqarý jáne erte qulaqtandyrý júielerin engizýdi qarastyratyn atalǵan joba Jasyl klimat qorynyń jáne BUU Damý baǵdarlamasynyń qatysýymen júzege asyrylyp jatyr.
