QR Prezidentiniń tóraǵalyǵymen ótip jatqan «Nur Otan» partiiasy saiasi keńesiniń otyrysynda Nursultan Nazarbaev ózi usynǵan bes áleýmettik bastamanyń alǵashqysy «7-20-25» ipotekalyq turǵyn úi baǵdarlamasynyń tiimdiligi týraly aitty, dep habarlaidy Baq.kz tilshisi.
«Bes áleýmettik bastama dál ýaqytynda qabyldandy jáne ár bastama qarapaiym adamdar úshin arnalǵan. Bul bastamalar memleket úshin az qarjy turmaidy. Ár bastama bizdiń ne isteýge tiispiz, sol týraly aitady», - dep bastady sózin Elbasy.
Sodan soń QR Premer-Ministriniń orynbasary Erbolat Dosaev Prezidenttiń alǵashqy bastamasy ár otbasyǵa baspana alýdyń jańa múmkindikterin berý týraly baiandady.
«Birinshi bastama – ár otbasyǵa baspanaly bolýy úshin jańa múmkindikter berý. Ulttyq baǵdarlama «7-20-25» ipotekalyq kreditteý baǵdaralmasynyń kontseptsiiasy boiynsha qabyldandy. 2018 jyldyń 1 shildesinen bastap osy baǵdarlama boinysha bankter tikelei nesieleýdi bastaidy. Baǵdarlamada ipotekalyq turǵyn zaimy teńgemen jáne qosymsha komissiiasyz, zaim jinaǵynsyz beriledi», - dedi Dosaev.
Prezident Premer-ministr orynbasarynyń sózinen soń atalǵan baǵdarlamanyń tiimdiligine toqtaldy.
«Biz eń birinshi jastardyń baspanaly bolýyna múmkindik berermiz, sodan soń eshqandai páteri joqtardy qamtimyz. Páteri barlar aqsha taýyp, satyp alady. Al biz bul baǵdaralmany búginde eshqandai páteri joqtar úshin jasadyq. (...) Biz barlyq aqshany, otbasynda jumys isteitin eki adamnyń eńbekaqysyn eseptedik. Ipotekalyq kredit mólsheri maksimým 7% bolady. Protsentti tómendeýi úshin aldaǵy ýaqytta jumys isteimiz. Kredit úshin tóleitinderge arzan bolý úshin buryndary alǵashynda 50% jarnany talap ettik, qazir 20% boldy. Buryn maksimým 10 jylǵa nesie bersek, qazir 25 jylǵa deiin beriledi.
Jastar, ustazdar, dárigerler men az jalaqy alatyn memlekettik qyzmetkerlerge baspana alýǵa múmkindik berip otyrmyz. Bizde álige deiin barlyq qala, aýdanda úi kezegine turady. Germaniia, bolmasa Frantsiiada, Amerikada páterge kezekke turǵandy kim kórdi? Bul naryqtyq ekonomikadaǵy nonsens. Olarda eshqandai kezek joq, sebebi memleket tegin baspana bermeidi. Álige deiin zeinetkerler maǵan «Astanadan páter berińizshi» dep jazady. Olarǵa aitarym, bizde bar baǵdarlamalarǵa qosylyńyzdar. Bizde ipotekalyq baǵdarlamalar arqyly ipoteka alýǵa bolady. Ardagerlerge arnalǵan jaldamaly baspana da bar mysaly.
Bizdiń barynsha jasaǵan jaǵdaiymyz sol – ipotekalyq kreditteý baǵdarlamasyn ázirledik. Barlyq partiialyqtarǵa, ákimderge aitarym muny qolǵa alyp, tistegenniń aýzynda ketpei, urlamai, kimge qajet soǵan berilgenin qadaǵalaý kerek», - dedi Elbasy.
