Memleket basshysy Qasym-Jomart Toqaevqa Túrkistan oblysynyń ákimi Ómirzaq Shókeev 9 aidaǵy áleýmettik-ekonomikalyq damý qorytyndylary týraly esep berdi, dep habarlaidy Aqordanyń baspasóz qyzmeti.
Oblys ákiminiń aitýynsha, ekonomikadaǵy ósim 105 paiyzdy qurady. Ónerkásip jáne aýyl sharýashylyǵy salalarynda da oń kórsetkishter baiqalady. Óńirge tartylǵan investitsiia kólemi ótken jylǵy osy merzimmen salystyrǵanda 66 paiyzǵa jetip, qurylys qarqyny 65 paiyzǵa artqan.
Ómirzaq Shókeev Qasym-Jomart Toqaevqa agroónerkásip keshenindegi birqatar jobanyń iske asyrylý barysy, sonyń ishinde, jańbyrlatyp sýarý tehnologiiasyn engizý jóninde baiandady.
Sonymen qatar oblys ákimi bógettiń buzylýynan keiingi Maqtaaral aýdanyndaǵy tótenshe jaǵdai saldaryn joiý jónindegi Prezidenttiń bergen tapsyrmalarynyń oryndalý barysy týraly aitty. Oblys ákiminiń málimeti boiynsha, Myrzakent aýylynda 386 turǵyn úi paidalanýǵa berilgen. Bul úilerdiń jartysy biýdjet esebinen, qalǵany demeýshilerdiń qarajatyna salyndy.
Kezdesý qorytyndysy boiynsha Memleket basshysy Túrkistan oblysy basshylyǵynyń jumysyna oń baǵa berdi. Prezident oblystaǵy epidemiologiialyq ahýaldy baqylaýdy tapsyrdy. Sondai-aq Qasym-Jomart Toqaev sailaýaldy naýqannyń ashyq ári zańdy túrde júrgizilýin qamtamasyz etý qajettigin atap ótti.
