Qazaqstan Prezidenti Qasym-Jomart Toqaev Túrkitildes memleketter yntymaqtastyǵy keńesiniń Bas hatshysy Baǵdat Ámireevti qabyldady, dep habarlaidy Aqorda.
Kezdesý barysynda Qasym-Jomart Toqaevqa Keńes jumysynyń basty baǵyttary jáne onyń aldaǵy damý perspektivalary týraly baiandaldy.
Atap aitqanda, Baǵdat Ámireev Memleket basshysyna uiymnyń aldaǵy ýaqytta ótkizetin joǵary deńgeidegi is-sharalaryna daiyndyq barysy, Túrki keńesiniń mártebesin tolyqqandy halyqaralyq uiym deńgeiine deiin kóterý jónindegi jumystar, sondai-aq, Keńes qyzmetiniń ekonomikalyq jáne investitsiialyq salalardaǵy mańyzdy baǵyttary jaiynda aitty.
Prezident Keńestiń túrkitildes memleketter arasyndaǵy intergatsiiany nyǵaitýǵa qosqan úlesin joǵary baǵalap, onyń ekonomikalyq baǵyttaǵy jumysyn kúsheite túsýge mán berdi. Osy rette Memleket basshysy Túrki investitsiialyq qoryn qurýdyń mańyzdy ekenin atap ótti. Bul Keńeske múshe elderdiń shaǵyn jáne orta biznes ókilderi arasyndaǵy yqpaldastyqty damytýǵa septigin tigizedi.
