Memleket basshysy Qasym-Jomart Toqaev «TotalEnergies» kontserni prezidentiniń aǵa keńesshisi Arno Breiiakpen jáne «TotalEnergies» barlaý jáne óndirý» kompaniiasynyń prezidenti Nikolia Terrazben kezdesý ótkizdi. Bul týraly Aqordanyń baspasóz qyzmeti habarlady.
Prezident frantsýz kásipkerlerine iltipat bildire otyryp, Nikolia Terrazdy «TotalEnergies» barlaý jáne óndirý» kompaniiasynyń basshysy qyzmetine jańadan taǵaiyndalýymen quttyqtady.
Kezdesý barysynda «TotalEnergies» kompaniiasynyń qatysýymen jańartylatyn qýat kózderi salasyndaǵy jobalardy júzege asyrý máselelerine nazar aýdaryldy. Qasym-Jomart Toqaev Qyzylorda jáne Jambyl oblystaryndaǵy eki kún elektr stantsiiasy qurylystarynyń aiaqtalyp, paidalanýǵa berilgenin atap ótti.
Arno Breiiak Memleket basshysyna qýaty 1 GVt bolatyn jel energetikasy kesheniniń qurylysy týraly memorandýmǵa qol qoiylǵany týraly, sondai-aq kontserndi Qazaqstanda jáne álemde odan ári damytýdyń perspektivalary jóninde aitty.
Sonymen qatar kezdesýde Qashaǵan jáne Dunǵa ken oryndaryndaǵy munai óndirý kólemin arttyrý máselesi kóterildi.
