Memleket basshysy «Tech Garden» innovatsiialyq klaster ortalyǵynyń jumysymen tanysty, dep habarlaidy "Ult aqparat" Aqordaǵa silteme jasap.
Qasym-Jomart Toqaevqa innovatsiialyq klaster ortalyǵynda ornalasqan 4 tehnologiialyq laboratoriia, 50-den asa IT kompaniialar men birqatar startap jobalar týraly jan-jaqty aqparat berildi.
Innovatsiialyq klasterdiń jumysyna 284 uiym biriktirilgen. Olardyń qatarynda 23 joǵary oqý orny, 25 ǵylymi zertteý ortalyǵy, 2 tehnopark, 1 damý institýty, «Innovatsiialyq tehnologiialar parki» arnaiy ekonomikalyq aimaǵyna qarasty 166 kompaniia, 1 birlesken investitsiialyq qor jáne 66 uiym bar.
Memleket basshysy «Tech Garden» ortalyǵynyń jumysyn joǵary baǵalap, aldaǵy bastamalaryna sáttilik tiledi.
