Jambyl oblysynyń ákimi Berdibek Saparbaev Uly Otan soǵysynyń ardageri, Jambyl oblysy men Taraz qalasynyń qurmetti azamaty Tileýqabyl Tórebekovti 95 jyldyq mereitoiymen quttyqtap baryp, el Prezidenti Qasym-Jomart Toqaevtyń quttyqtaý hatyn tapsyrdy, dep habarlaidy "Ult aqparat" oblys ákiminiń baspasóz qyzmetine silteme jasap.
Jambyl oblysynda Tileýqabyl Tórebekov týraly bilmeitin adam kemde-kem.
Keńes áskeriniń qatarynda militaristik Japoniiamen soǵysqan erjúrek maidanger T. Tórebekov soǵys aiaqtalǵan soń barlyq kúsh-jigerin Jambyl oblysynyń damýyna arnady. 1950-1966 jyldar aralyǵynda ol oblystyq partiia komitetiniń birinshi hatshysynyń kómekshisi, bólim meńgerýshisi bolyp jumys istedi. Jambyl qalalyq partiia komitetiniń ekinshi hatshysy, 1970 jyldan 1983 jylǵa deiin Jambyl qalalyq atqarý komitetiniń tóraǵasy qyzmetin atqardy. Tileýkabyl Tórebekuly qurmetti demalysqa shyqqanda da qoǵamdyq jumystan tys qalǵan joq. Uzaq jyldar boiy oblystyq Ardagerler keńesin basqardy.
Ol III dárejeli Dańq, II dárejeli Otan soǵysy, Eńbek Qyzyl Tý, «Qurmet belgisi» ordenderimen, 13 medalmen, onyń ishinde «Erligi úshin» medalimen marapattalǵan. Alty bala tárbielep ósirgen.
Qazaqstan Respýblikasynyń Prezidenti Qasym-Jomart Toqaev óz hatynda aǵa urpaq - T. Tórebekov siiaqty tulǵalardyń ómir joly búgingi urpaq úshin úlgi - ónege bolyp tabylatynyn atap ótken.
Qariiamen áńgime barysynda Berdibek Saparbaev eńbek sińgen ardagerdiń óńirdiń áleýmettik-ekonomikalyq damýyna qosqan zor úlesin, onyń uiymdastyrýshylyq qabiletin jáne biliktilik qasietterin tilge tiek etti.
Óńir basshysy ardagerge bir million teńgegelik sertifikat tabys etti.
