Prezident Qasym-Jomart Toqaev jýrnalist Mihail Dorofeevtiń qaitys bolýyna bailanysty onyń otbasy men jaqyndaryna kóńil aitty, dep habarlaidy "Ult aqparat".
Bul jaiynda Memleket basshysynyń baspasóz hatshysy Berik Ýáli Facebook paraqshasynda jazdy.
«Belgili jýrnalist, Ulttyq qoǵamdyq senim keńesiniń múshesi Mihail Dorofeevtiń mezgilsiz qaitys bolýyna bailanysty kóńil aitamyn. Biz Mihail Dorofeevti otandyq aqparattyq keńistiktiń qalyptasýyna eleýli úles qosqan tanymal tulǵa, talantty mediamenedjer retinde tanydyq. Onyń belsendi azamattyq ustanymy men adamgershilik qasieti joǵary baǵalanatyn.
Mihail Dorofeevtiń jarqyn beinesi júregimizde máńgi saqtalady» delingen kóńil aitý jedelhatynda.
Buǵan deiin habarlanǵandai, búgin tanymal jýrnalist, Informburo aqparat-saraptamalyq internet portalynyń bas redaktory Mihail Dorofeev ómirden ozdy.
