Memleket basshysy Qasym-Jomart Toqaev Svevind Group kompaniiasynyń prezidenti Volfgang Kroppty qabyldady, dep habarlaidy Aqorda.
Svevind Group nemis-shved kompaniialar tobynyń basshysy Qazaqstan Prezidentine «jasyl» energetika salasyndaǵy investitsiialyq jobalardy júzege asyrýdyń perspektivalary týraly aitty.
Atap aitqanda Mańǵystaý oblysynda jel jáne kún elektr stantsiialarynyń qurylysyna qatysty jobany iske asyrý jáne sodan keiin resýrstardy «jasyl» sýtegi óndirisine bólý josparlanyp otyr. Sonymen qatar jel generatorlary men kún energiiasyn óndiretin panelderdi jergilikti jerde shyǵarý múmkindigi qarastyrylýda.
Qasym-Jomart Toqaev jańartylatyn qýat kózderin paidalanýǵa jáne el ekonomikasyndaǵy kómirtegine táýeldilikti tómendetýge basymdyq beretinin aitty. Onyń pikirinshe, sýtegi energetikasyna arnaiy nazar aýdarý kerek.
Memleket basshysy kompaniianyń usynǵan investitsiialyq usynystaryn oń baǵalap, Volfgang Kroppqa memleket tarapynan qoldaý kórsetiletinin aitty.
