Qasym-Jomart Toqaev «Shevron» kompaniiasynyń direktorlar keńesiniń tóraǵasy jáne bas atqarýshy direktory Maikl Ýirtti qabyldady, dep habarlaidy "Ult aqparat" Aqordaǵa silteme jasap.
Kezdesý barysynda munai sektoryndaǵy birqatar jobalardy júzege asyrý jáne Qazaqstan men «Shevron» kompaniiasy arasyndaǵy ózara is-qimyldardyń keleshegi týraly sóz boldy. Sonymen qatar, jańa investitsiialar salý múmkindigi qarastyryldy.
Memleket basshysy Maikl Ýirtqa jemisti yntymaqtastyq úshin alǵys bildirip, bizdiń elimizde sheteldik bizneske jasalǵan qolaily investitsiialyq ahýaldy atap ótti.
Maikl Ýirt Qazaqstan uzaq ýaqyttan beri «Shevron» kompaniiasynyń mańyzdy seriktesi bolyp kele jatqanyn atap ótti. Amerikalyq biznesmen basshylyq quramynyń 77% qazaqstandyqtar bolatyn, «Teńizshevroil» enshiles kompaniiasynyń menedjerleriniń kásibiligin joǵary baǵalady. Bul kórsetkish ózara yntymaqtastyqtyń nyǵaiýyna qarai arta beretinin aitty.
