QR Prezidenti Qasym-Jomart Toqaev Syrtqy ister ministrliginiń keńeitilgen alqa májilisinde shekarany bekitýge atsalysqan diiplomattar memlekettik nagrdalarmen marapattalatynyn aitty, dep habarlaidy QazAqparat.
«Bul basqosý táýelsizdigimizdiń mereili 30 jyldyǵy qarsańynda ótýde. Osy tarihi mejege biz tolaǵai tabyspen jetip otyrmyz.
Qazaqstan aimaqtyq jáne jáne jahandyq úderisterge belsene qatysatyn memleketke ainaldy. Elbasy Nursultan Ábishuly Nazarbaev syrtqy saiasatymyzdyń negizin qalady. Onyń tikelei basshylyǵymen kásibi diplomatiialyq qyzmet qurylyp, aýqymdy syrtqy saiasi mindetter sheshimin tapty», - degen Memleket basshysy ásirese memlekettik shekarany tolyq bekitilýi teńdessiz jetistik bolǵanyn atady.
«Bul memleketimizdiń qaýipsizdigini kúsheitýge airyqsha yqpal etken sheshimge ainaldy. Kaspii teńiziniń quqyqtyq mártebesi týraly konventsiianyń qabyldanýy – taǵy bir aitýly jetictik. Buǵan qol jetkizý úshin 20 jyl boiy tabandy jumys atqaryldy. Kelissózderge qatysqan qyzmetkerlerdiń eńbegin elimiz joǵary baǵalaidy. Men olardy memlekettik nagradalarmen marapattaityn boldym», - dedi Prezident.
