foto: Aqorda
Prezidentke ShYU-nyń qazirgi qyzmeti men basym baǵyttary jóninde aqparat berildi, dep habarlaidy Ult.kz, Aqorda resmi saityna silteme jasap.
“Qasym-Jomart Toqaev Uiymnyń ereksheligine toqtalyp, onyń saiasi, ekonomikalyq jáne mádeni salalardaǵy ózara yqpaldastyqty arttyrýda áleýeti zor ekenin atap ótti. Prezidenttiń aitýynsha, aimaqtyq jáne jahandyq qaýipsizdikti qamtamasyz etý máselesine basa nazar aýdarylady”,- delingen habarlamada.
Odan bólek, memleket basshysy Uiymnyń jumysyn odan ári jetildirý, halyqaralyq birlestiktermen bailanysyn jandandyrý, sondai-aq Qazaqstannyń usynysymen ShYU-da qabyldanǵan «Ádil álem, kelisim jáne damý jolyndaǵy jahandyq birlik týraly» bastamany ilgeriletý mańyzdy ekenin jetkizdi.
Aita keteiik, Shanhai yntymaqtastyq uiymyna múshe memleketter basshylary keńesiniń sheshimimen Nurlan Ermekbaev 2025 jyldyń 1 qańtarynan bastap ShYU Bas hatshysy qyzmetine kirisken bolatyn.
