«Memleket basshysy retinde taǵy da málimdeimin: jerimiz sheteldikterge satylmaidy. Oǵan jol berilmeidi, dedi Qazaqstan Prezidenti Qasym-Jomart Toqaev Qazaqstan halqyna Joldaýynda.
«Jurtshylyqty tolǵandyryp júrgen jer máselesine arnaiy toqtalaǵym keledi. Memleket basshysy retinde taǵy da málimdeimin: Jerimiz sheteldikterge satylmaidy, oǵan jol berilmeidi. Bul másele boiynsha qaýeset taratýdy doǵarý kerek.
Biraq jerdi tiimdi paidalanýdy qamtamasyz etý – bizdiń mindetimiz. Jerdi tiimdi igerý máselesi barǵan saiyn ózektilenip barady. Jaǵdai jerge salynatyn tikelei salyqtyń tómendigimen ýshyǵyp otyr. Memleketten aqysyz jer jaldaý quqyǵyn alǵandar ieligindegi jermen jumys istemei otyr. Elimizde latifýndister qatary paida boldy», - dedi QR Prezidenti.
