QR Prezidenti Qasym-Jomart Toqaev Qazaqstan men Reseidiń XVII óńiraralyq yntymaqtastyq forýmynda kórshi elmen birlesip, mýltmodaldik tasymal baǵdarlamasyn qabyldaýdy usyndy, dep habarlaidy QazAqparat.
«Qazaqstan men Resei birlesip eksporttaýshylarǵa Eýropa men basqa da elderdiń transporttyq habtaryn bailanystyratyn balama marshrýttar jelisin usyna alady. Jýyqta Shyǵys ekonomikalyq forýmynda aitqanymdai, elderimizdiń kólik vedomstvolarynyń turaqty ózara áreketi úlken mańyzǵa ie bolyp keledi. Sondyqtan, búgin mýltimodaldik tasymaldy damytý boiynsha birlesken baǵdarlama qabyldaýdy usynamyn», - dedi Memleket basshysy.
Forým barysynda Qasym-Jomart Toqaev Resei Prezidenti Vladimir Pýtinge epiemdiianyń alǵash bastalǵan kezeńinde Qazaqstanǵa kórsetken kómegi úshin rizashylyǵyn bildirdi.
«Resei qaitarymsyz negizde dári-dármek zattaryn jetkizip, test-júiesin usyndy. Qazaqstandyq azamattardy evakýatsiialaýǵa jan-jaqty kómek kórsetti. Birneshe apta boiy reseilik dárigerler qazaqstandyq áriptesterimen iyq tirestire júrip, eń kúrdeli óńilerde jumys istedi, ózderiniń kásibi mindetterin adal atqardy. Tájiribelerimen jáne bilimderimen bólisti. Osynaý kezeńde yntymaqtastyǵymyzdyń jeke mańyzdy kezeńi bizderdiń júzbe-júz ýaǵdalastyǵymyzdy júzege asyrý úshin Qaraǵandy farmatsevtikalyq kesheni bazasynda Spýtnik V reseilik vaktsinasy óndirisiniń iske qosylýy boldy. Munyń barlyǵy da Resei Qazaqstannyń strategiialyq seriktesi, odaqtasy ekendigin dáleldedi», - dedi Qazaqstan Prezidenti.
