Qasym-Jomart Toqaev Máskeý Patriarhatynyń Syrtqy shirkeýlik bailanystar departamentiniń tóraǵasy, Volokolamsk mitropoliti Antoniidi, Qazan jáne Tatarstan mitropoliti Kirilldi, Astana jáne Qazaqstan mitropoliti Aleksandrdy qabyldady, dep habarlaidy "Ult aqparat" Aqordaǵa silteme jasap.
Kezdesý barysynda Memleket basshysy mitropolit Antoniidi jańa qyzmetke taǵaiyndalýymen quttyqtap, pravoslavie dini Qazaqstan halqynyń birligi men yntymaǵyn nyǵaitýda mańyzdy ról atqaratynyn atap ótti. Memleket basshysynyń aitýynsha, pravoslavie shirkeýi qoǵamda jalpy adamzattyq rýhani-adamgershilik qundylyqtardy ósirýge jáne nasihattaýǵa zor úles qosyp keledi. Qasym-Jomart Toqaev Qazaqstanda dástúrli dinderdiń, sonyń ishinde pravoslavieniń damýyna barlyq jaǵdai jasalyp jatqanyn atap ótti.
Kezdesý sońynda Qasym-Jomart Toqaev Máskeý jáne búkil Resei Patriarhy Kirillge sezdiń negizgi maqsatyn ilgeriletýge jasaǵan kómegi úshin erekshe alǵysyn joldap, oǵan zor densaýlyq pen rýhani kúsh-qýat tiledi.
Óz kezeginde pravoslavie shirkeýiniń ókilderi Patriarh Kirildiń Memleket basshysyna izgi tilekterin jetkizdi, sondai-aq onyń Qazaqstan bastamalaryn qoldaitynyn málimdedi.
