Memleket basshysy Pákistan Premer-Ministri Imran Hanmen kezdesti, dep habarlaidy "Ult aqparat" Aqordaǵa silteme jasap.
Pákistan Premer-Ministrimen kezdesý barysynda Qasym-Jomart Toqaev ózara senim men syilastyqqa negizdelgen ekijaqty qatynastardyń deńgeii joǵary ekenin atap ótti.
Memleket basshysy ortaq múddeni kózdeitin salalardaǵy kólik-logistikalyq bailanystardy nyǵaitý úshin jańa múmkindikterdi qarastyrýǵa shaqyrdy. Qazaqstan Prezidenti saýda-ekonomikalyq, ǵylymi-tehnologiialyq jáne mádeni yntymaqtastyqty arttyrý máselesine arnaiy toqtalyp, Imran Handy Qazaqstanǵa saparmen kelýge shaqyrdy.
Pákistan Premer-Ministri óz kezeginde eki el arasyndaǵy saýda-ekonomikalyq yqpaldastyqty nyǵaitýǵa septigin tigizetin logistikalyq múmkindikterdi damytý mańyzdy ekenin aitty, sondai-aq, Qazaqstan Prezidentin Pákistanǵa saparmen kelýge shaqyrdy.
Kezdesýde olar Aýǵanstandaǵy ahýal men óńirlik qaýipsizdikti qamtamasyz etý máseleleri jónindegi oilarymen bólisti.
