Qazaqstan Prezidenti Qasym-Jomart Toqaev Ózbekstannyń Syrtqy ister ministri Abdýlaziz Kamilovti qabyldady, dep habarlaidy Aqorda.
Memleket basshysy Nur-Sultan qalasyna jumys saparymen kelgen Ózbekstannyń Syrtqy ister ministri Abdýlaziz Kamilovti qabyldady.
Kezdesý barysynda ministr Prezidentke Ózbekstan kóshbasshysynyń Tashkent qalasynda «Ortalyq Aziia jáne Ońtústik Aziia: óńirlik ózara bailanystar. Syn-qaterler men múmkindikter» atty halyqaralyq konferentsiia ótkizý týraly bastamasyna qoldaý bildirý týraly ótinishin jetkizdi.
Sonymen qatar Qazaqstan men Ózbekstan arasyndaǵy berik dostyq pen tatý kórshilikke negizdelgen strategiialyq seriktestiktiń qazirgi ahýaly jáne ony ári qarai nyǵaitýdyń perspektivalary talqylandy.
Qasym-Jomart Toqaev álemdegi kúrdeli jaǵdaiǵa jáne pandemiiaǵa qaramastan eki eldiń qarym-qatynastary joǵary deńgeide ekenin, qazirgi syn-qaterlerge ornyqty tótep berip otyrǵanyn aitty.
Kezdesý sońynda Qasym-Jomart Toqaev Shavkat Mirziioevqa zor densaýlyq jáne baq-bereke tilegen sálemin joldap, Ózbekstan Prezidenti epidemiialyq ahýal jaqsarǵannan keiin Qazaqstanǵa saparmen keletinine senim bildirdi.
