Memleket basshysy Nursultan Nazarbaev Batys Qazaqstan oblysyna jumys sapary barysynda Oraldaǵy «Kvant» JShS-nyń jihaz fabrikasynda boldy, dep habarlaidy "Ult aqparat". Ol tutas jihaz jasaýdyń tehnologiialyq úderisimen tanysty.
Qazaqstan Prezidentine kásiporynnyń qazirgi qarjy-sharýashylyq jaǵdaiy týraly málimet usynylyp, óndiris aýqymyn ulǵaitý jáne daiyn ónim tizbesin keńeitý jospary jóninde baiandaldy.
Sondai-aq, fabrikany aralaý kezinde Nursultan Nazarbaevqa óńirdiń áleýmettik-ekonomikalyq damý barysy, sonyń ishinde ónerkásip sektorynyń, shaǵyn jáne orta biznestiń qazirgi ahýaly men perspektivalary jóninde baiandaldy.
Budan bólek, kásiporyn aýmaǵynda Memleket basshysyna indýstriialyq-innovatsiialyq damý baǵdarlamasy aiasynda júzege asyrylyp jatqan jobalar tanystyryldy. Atap aitqanda, fin tehnologiiasy boiynsha turmystyq qatty qaldyqtardy qaita óńdeý júiesin jańǵyrtý, iri qara men usaq maldyń terisin óńdeý, nan jáne makaron ónimderin óndirý, himiia óndirisi, dizel otynynyń komponentterin gidrotazalaý jónindegi jobalar bar.
Aita keteiik, «Kvant» kompaniiasy porolon, matras, tutas jáne jumsaq jihaz jasaýmen ainalysady. Óndiriste qoldanylatyn barlyq material ekologiialyq turǵydan taza ári memlekettik standarttarǵa sai keledi.
Jihaz eýropalyq taýar óndirýshilerdiń zamanaýi qural-jabdyǵymen ozyq tehnologiialar qoldanyla otyryp jasalady.
