Memleket basshysy Qasym-Jomart Toqaev óńir ákimderiniń qatysýymen ótken keńeste sý tasqynynyń aldyn alý boiynsha jumys isteýdi tapsyrdy. Bul týraly Aqordanyń baspasóz qyzmeti habarlaidy.
«Prezident ótken jyly Qazaqstannyń 5 óńirinde myń jarymǵa jýyq turǵyn úidi sý alǵanyn basa aitty. Osyǵan bailanysty Úkimet pen ákimderge aimaqtardaǵy sý tasqynynyń aldyn alý úshin der kezinde shara qabyldaý tapsyryldy», - dep jazdy baspasóz hatshysy.
Sonymen birge, keńeste kóktemgi egis jumystaryna da kóńil bólindi. Bul turǵyda Memleket basshysy joǵary sapaly tuqymdarmen, tyńaitqyshtarmen jáne janar-jaǵarmai materialdarymen qamtamasyz etý jumystaryn baqylaýda ustaýdy tapsyrdy.
«Qarjylyq qiyndyqtardy bastan keshiretin problemalyq iri agroholdingter men sharýashylyqtarǵa kóńil bólý qajet. Úkimetke jáne ákimderge kóktemgi egistik jumystaryna muqiiat daiyndalýdy jáne sapaly júrgizýdi, barlyq egistik jerlerdi barynsha ainalymǵa tartýdy tapsyramyn», - dedi Memleket basshysy.
