Memleket basshysy Qasym-Jomart Toqaev Úkimettiń keńeitilgen otyrysynda oqýshylar men stýdentterdiń dástúrli oqý júiesine oralýyn qamtamasyz etýdi tapsyrdy, dep habarlaidy "Ult aqparat".
«Pandemiia kezinde oqýshylar men stýdentter qashyqtan oqýǵa májbúr boldy. Bul jaǵdai bilim sapasyna keri áserin tigizdi. Sondyqtan, ótken oqý jylynda jiberilgen kemshilikterdiń ornyn toltyryp, jańa oqý jylynda kóshten qalyp qoimaýymyz kerek. Munyń birden bir joly – oqytýdyń burynǵy formatyna kóshý ekeni anyq. Úkimetke jańa oqý jylynda oqýshylar men stýdentterdiń dástúrli oqý júiesine oralýyn qamtamasyz etýdi tapsyramyn. Koronavirýstyń jańa shtamdary paida bolyp jatqan kezde bul mindetti oryndaý ońai emestigin túsinemin. Sol sebepti oqýshylar men muǵalimderdi barynsha qorǵaityn keshendi tásil ázirleý kerek», - dedi Prezident.
