Qazaqstan Prezidenti Nursultan Nazarbaev elordadaǵy «Nurly jol» jańa vokzalyn aralap, keshenniń múmkindikterimen tanysty, dep xabarlaidy Ult.kz tilshisi QazAqparat agenttigine silteme jasap.
Vokzal kesheni alty deńgeili, jalpy aýmaǵy 126 myń sharshy metrlik ǵimarat. Vokzalda alty joldyń toraby kirip otyr. Ol táýligine 35 myń jolaýshyny qabyldai alady. Vokzal jolaýshylar aǵynyn, kezegin, qaýipsizdigin, elektrondy bilet satý protsesin intellektýaldyq basqarý jelisimen qamtylǵan.
«Vokzal resmi túrde búgin ashylǵanymen, is júzinde erteń, 1 maýsym kúni alǵashqy jolaýshylar jolǵa shyǵady. Poiyz marshrýttary men ýaqyty bekitildi. Jolaýshylar bilet satyp alarda aqparattandyryldy», - dep xabarlady «QTJ» UK» AQ vokzal sharýashylyǵyn damytý jáne paidalaný departamentiniń direktory Juban Kórpebaev tilshilerge bergen suxbatynda.
