Foto: Akorda.kz
Memleket basshysy Qazaqstannyń eńbek sińirgen ártisi, Shymkent qalalyq opera jáne balet teatrynyń direktory Maira Muhamedqyzyn qabyldady, dep habarlaidy "Ult aqparat" Aqordanyń resmi saityna silteme jasap.
Kezdesý barysynda elimizdegi opera óneri men mádenietin damytý máseleleri talqylandy.
Prezidentke Shymkentte qalalyq opera jáne balet teatrynyń jańa ǵimaratyn salý jospary týraly málimet berildi. Maira Muhamedqyzy Memleket basshysyna óńirdegi opera jáne teatr ónerin damytý jumystary, sondai-aq jas ánshilerdi, teatr jáne balet ártisterin oqytý isi jóninde aitty.
Prezident jas talanttardy daiyndaý, teatr repertýaryn sheteldik jáne ulttyq qoiylymdarmen jańartý mańyzdy ekenin atap ótti.
Qasym-Jomart Toqaev Maira Muhamedqyzynyń kóp jyldan beri Qazaqstannyń mádeniet salasynyń damýyna zor úles qosyp kele jatqanyn atap ótip, opera ánshisine shyǵarmashylyq tabys tiledi.
