Memleket basshysy Qasym-Jomart Toqaev Qarjy naryǵyn retteý jáne damytý agenttiginiń tóraǵasy Mádina Ábilqasymovanyń esebin tyńdady, dep habarlaidy Aqorda.
Prezident Qasym-Jomart Toqaevqa qarjy naryǵynyń biylǵy damýy jóninde esep berilip, qarjy sektorynyń turaqtylyǵyn qamtamasyz etý, ekonomikany nesieleý isin yntalandyrýǵa qatysty retteý sharalaryn júzege asyrý jáne tutyný nesieleriniń shekten tys artýyna jol bermeý týraly Memleket basshysynyń buǵan deiin bergen tapsyrmalarynyń oryndalýy jóninde baiandaldy.
Mádina Ábilqasymovanyń aitýynsha, Memleket basshysynyń Joldaýyn júzege asyrý aiasynda Agenttik Úkimetpen birlesip ekonomikanyń zardap shekken sektorlaryna qoldaý kórsetiledi. Atap aitqanda «Biznestiń jol kartasy – 2025» baǵdarlamasy boiynsha shaǵyn jáne orta biznes ókilderiniń alǵan qaryzdaryna jylyna 6 paiyzdyq mólsherlememen sýbsidiia beriledi.
Agenttik basshysy Prezidentke saqtandyrý jáne baǵaly qaǵazdar naryqtaryn jetildirýge baǵyttalǵan zańnamalyq bastamalardyń daiyndalyp jatqanyn aitty. Saqtandyrý naryǵyn jetildirý jónindegi zań jobasy boiynsha halyqtyń zeinetaqy jáne investitsiialyq saqtandyrý qorlarynyń jumysyna aralasýy artady, sol arqyly azamattardyń jinaǵy eselene túsedi. Sonymen qatar kásipkerlerdiń qundy qaǵazdar naryǵynda qor jinaýyna múmkindik beretin sharalar qabyldanady.
Qasym-Jomart Toqaev Agenttiktiń jumysyn oń baǵalap, qarjy naryǵyn odan ári damytýǵa qatysty birqatar naqty tapsyrma berdi.
