Memleket basshysy Qasym-Jomart Toqaev qyrkúiekte sot júiesine qatysty reformalar toptamasyn jariia etetindigin aitty, dep habarlaidy QazAqparat.
«Quqyq qorǵaý júiesin reformalaýǵa qatysty aitar bolsam, qyrkúiekte sot júiesin qaita pishimdeýmen bailanysty reformalardyń jańa toptamasyn jariia etetin bolamyn. Bul - Qazaqstan úshin ózekti problema. Qazir politsiia qyzmetin reformalaý júrip jatyr. Ol qiyndyqpen ótýde. Bul – reforma. Degenmen, túptep kelgende biz tabysqa qol jetkizemiz. Bastysy – saiasi erik-jiger jáne el azamattarynyń qoldaýy», - dep atap ótti Qazaqstan Prezidenti Sankt-Peterbýrg halyqaralyq ekonomikalyq forýmynda.
Qasym-Jomart Toqaev elimizdiń quqyq qorǵaý salasynda solqyldaq tustyń da bolǵanyn jasyrmady.
«Birese izgilendirdik, endi birde qatańdattyq. Ne qalaitynymyzǵa qatysty túsinik bolmady. Qazir biz azamattarymyzdyń qajettiligine naqty negizdelgen «ońtaily tusty» taptyq, - dedi Memleket basshysy.
Prezidenttiń atap ótýinshe, azamattar politseilerden satylmaityn qorǵaýshyny kórgisi keletinin basa aitty.
